Monthly Archives: October 2004

Hæ,

ég er heima að læra.. eða á að vera að læra.. er í pásu. Var að fá mér tebolla og lesa fréttablaðið. Ekkert svosem nýtt að frétta. Einhverjar sprengingar í írak. Kennaraverkfallið er ekkert að leysast. Framsóknarmenn eru á móti því að lækka matarskatt, bavíanar. Eiður Smári er svekktur út af leiknum, segir að það leysi ekki neitt að skipta um þjálfara núna, það myndi bara gera illt verra. Ég er sammála. Popppunktsspilið er að koma í verslanir bráðum, það hljómar skemmtilegt. Einhver kona á yfir 200 pör af skóm, hún hlýtur líka að eiga stóra íbúð til að geyma þá í. Þetta er allt í fréttablaðinu í dag.. Það sem stendur uppúr eru bakþankar Jóns Gnarr. Ég vona að ég fatti það sem hann fattaði áður en það verður of seint.. ég er svo sein að fatta stundum.

Ekki laust við að maður sé drulluslappur. Helvítis pestardrulla. Þoli ekki svona. Maður er í einhverju móki hérna. Ekki gott. En snúum okkur að málefnum líðandi stundar. Bandaríkjamönnum tókst að klúðra enn einu málinu í Írak. Núna hvarf búnaður til að búa til kjarnorkuvopn. Og enginn veit neitt. Hvað voru þeir að gera? Spila kana???? Get it….kani….Einnig hvarf búnaður sem geymdur var undir berum himni. Ótrúlegt alveg hreint. Skil ekki svona vinnubrögð. En allavega. Þegar maður er svona veikur tekur maður uppá ótrúlegustu hlutum. Eins og að horfa á Alþingi á RÚV. Búinn að komast að því að við þurfum fleiri Steingríma Joð Sigfússyni. Ekki spurning. Maðurinn er pottþéttur. Klónum hann bara. Kári Stefánsson getur það alveg. Hann fékk svo mikinn pening frá USA.

Í nafni frjálshyggju og frelsis.

Ekki er neinn réttlátur, ekki neinn.

Ekki er neinn vitring að sjá.

Fæstir leita lengur herrans, sem líf sitt gaf fyrir þá.

Nú ráða ræningjar jörðinni, rándýr sem heimta blóð.

Tortíming, eymd eru allstaðar, ekkert líf þrífst í þeirra slóð.

Veg friðarins vilja ekki þekkja, vargar sem fólkið blekkja.

Gera börnin að morðingjum, mæður að hræætum, feður að aumingjum, sundra fjölskyldum.

Allt í nafni frjálshyggju og frelsis.

Þú sem felur þinn eigin ótta, elur hatur í brjósti þínu.

Lítur aldrei í augu barna þinna, sem allt skilja í hjarta sínu.

Óspillt eru ennþá og saklaus, eftir hvurju ertu að bíða? Þau þurfa á aga og ást að halda,

fálæti þitt fyllir þau kvíða.

Veg sannleikans viltu ekki þekkja, lygina lætur þig hlekkja,

samviskan þín sefur, græðgin ekkert gefur, dóminn enginn tefur, hrokinn þig hefur,

blindað í nafni frjálshyggju og frelsis.

Þingmenn, feður fólks og þjóðar, fullir af spillingu verja

rétt þeirra ríku til þess að valta yfir ráðþrota fólkið og berja.

Trúlaus lýðurinn lánlaus reikar, lamaður, fullur af dofa. Prestarnir prúðir í vinnuna mæta,

þeir vekja engan sem vill sofa. Veg réttlætis vilja ekki þekkja, í vörninni þeirra er skekkja.

Í hjartanu vita, lygin kostar svita, rænir þá næturhita, engill dauðans mun þeirra vitja.

Allt í nafni frjálshyggju og frelsis.

Menn trúa á gullið, Guð er ekki til en gott er að nefna hann stundum. Fullir þeir eru

bölvunar og beiskju, á bræður sína siga þeir hundum. En Guð er til sama hvað þeir segja, en hlustaðu

á þegar þeir tala. Þeir mæla það sem hentar hverju sinni, á fáfræði og fordómum ala.

Veg ljóssins vilja ekki þekkja, vargar sem fólkið blekkja. Hræsnin í hásæti, lýðskrumað læti, rotið innræti,

hýenur í leit að æti. Allt í nafni frjálshyggju og frelsis.

Dómskerfið kalkað, grafarstæði. Kuldinn þar smælingjann bítur. Unga manninn á Hraunið senda,

meðan skilorðið hvítflibbinn hlýtur. Einn daginn þeir þurfa að svara til saka, sú nótt mun reynast þeim erfið.

Þegar undirstöður alls munu hrynja, heimurinn þeirra og kerfið. Veg friðarins vilja ekki þekkja,

vargar sem fólkið blekkja. Gera börnin að morðingjum, mæður að hræætum, feður að aumingjum, sundra fjölskyldum.

Allt í nafni frjálshyggju og frelsis.

(Bubbi Morthens)

hæ,

var að koma heim úr vinnunni.. já, ég verð að vinna á fullu í október í gömlu vinnunni minni. lýst ágætlega á það en er samt hrædd um að mér eigi eftir að illa að skipuleggja skólann og vinnuna saman.. hvenær á ég að hafa tíma til að gera ekkert? Ég er nefnilega búin að komast að því að það er svo gaman að gera ekkert og ég þarf mikinn tíma í ekkert.. ekkert er svo skemmtilegt 🙂

Annars lentum við í leiðinlegu/skemmtilegu í gær.. ég var heima, varð svo allt í einu vör við þessa líka brunafýlu.. haldiði að það hafi ekki bara næstum kviknað í tölvuskjánum okkar! ég, snör í snúningum eins og ég er, slökkti á tölvunni í snarhasti og reif skjáinn úr sambandi og opnaði út á svalir.. held barasta að ég hafi komið í veg fyir stór-bruna,. eins gott að ég var heima, ha!?!? þetta þýddi auðvitað bara eitt að við þurftum að kaupa nýjan skjá.. djö! ekki getur maður verið skjálaus lengi.. ég held ég gæti frekar verið án þvottavélar eða sjónvarps en tölvuskjás.. ekkert smá flottur nýi skjárinn!

Já….róleg er helgin búin að vera. Bara búinn að hanga heima og slappa af. Horfa á hálfvitakassann og kíkja í einstaka tölvuleik. Mikið afskaplega er hann Gísli Marteinn þreytandi. Alltaf eitthvað hálfvitaglott á honum. Meira að segja þegar fólk er að tala um alvarlega hluti eins og erfiða æsku og sjálfsmorðhugleiðingar, situr þetta fífl og glottir. Ótrúlegt. Talandi um fífl…Mér skilst að Goggi runni hafi drullað uppá bak í kappræðunum sem voru um daginn í USA. Hann gerði víst ekki annað en að bora í nefið og lesa uppúr litlu gulu hænunni á meðan bílasalinn þrumaði yfir hausamótunum á honum. Gaman að þessu bulli. Nú fer að styttast í að U2 gefi út nýja plötu sem er magnað gleðiefni. Nýja lagið þeirra er þegar orðið klassísk snilld. Þeir félagar eru alveg hreint ótrúlegir. Sá einmitt tónleika með þeim á Sýn í gær. Sú saga gengur nú fjöllunum hærra hér á landi að þeir komi næsta sumar til að halda tónleika. Hvernig væri að vera með massa útitónleika bara? Á Hafnarbakkanum til dæmis? Þar er hægt að troða ansi mörgum. Ég myndi fara þó svo að miðinn myndi kosta 30.000. Ekki spurning. Það staðfestist í gær að Kronenburg er fjandi góður bjór…