Stundum er óþægilegt að vera stúdent í rannsóknarnámi. Það tekur á taugarnar og reynir á geðheilsuna. Ég þarf ekki að mæta í neina tíma. Það er enginn sem tékkar á því hvort ég mæti í skólann á hverjum degi. Ég er að vinna að verkefninu mínu sem ég valdi mér sjálf að gera og ber algjörlega ábyrgð á og það er bara fyrir mig gert. Það er mjög auðvelt að falla í þá gryfju að láta allt annað en verkefnið ganga fyrir. taka sér smá frí og skreppa hingað og þangað og mæta bara stundum og allskonar svoleiðis. Þetta veldur því að skipulag verkefnisins fer í rúst og allt hleðst upp. Þá fer manni að fallast hendur og veit ekkert hvar maður á að byrja sem veldur því að maður byrjar kanski ekkert..

Agi er allt sem þarf.

Ég er ekki haldin miklum sjálfsaga.. ég er oft löt og hugsa “þetta reddast..” En sem betur fer er ég líka þrjósk og ég hætti yfirleitt aldrei. það er svooo glatað. Þrjóskan er það sem sparkar í rassinn á mér þegar allt er að keyra yfir um. Þá verð ég aftur dugleg. Allavega í smá stund..

Held stundum að ég hafi ekki verið að hugsa rökrétt þegar ég skráði mig í þetta nám :o)

Um helgina heklaði ég 29 dúllur. Er að hugsa um að breyta fína dúlluteppinu mínu í rúmteppi. teppið er úr 192 dúllum en ég reikna með að þurfa að gera 300 dúllur í viðbót svo það sé nógu stórt fyrir rúmið sem er King Size. Fer nú létt með það. Það er frábært að hekla. Sérstaklega eitthvað svona sem maður má alltaf vera að skipta um lit og svona. Mjög þerapjútikk að hekla. Svo getur maður verið að gera svo margt annað á meðan maður heklar.. til dæmis horft á formúluna, hugsað málin og síðast en ekki síst, hlustað á tónlist og sungið með.. það er skemmtilegast.
játs..
fór í ræktina í morgun, klukkan sjö. Mjög dugleg. Dóri var líka í ræktinni. Hann tók bara á því held ég.

Nenni ekki orðið að blogga. Hvað er málið? Skil þetta ekki. Er alltaf að gera eitthvað allt annað….eða finn mér eitthvað annað að gera. Svona er þetta. Sitjum hérna skötuhjúin og horfum á múluna sem kennd er við for. Allt að gerast þar. Nýtt lið á ferð. Super Aguri heita þeir. Hressir jappar þar á ferð. Fyrir þá sem ekki vita hvað jappar eru, þá eru það japanir. Jájá….Prufuðum að baka ljótar smákökur í gær. Svona skemmtileg uppskrift úr Gestgjafanum. Þær voru svona líka svakalega vondar. Stuð hér á bæ…

Á öllum klósettunum í Öskju er ilmandi rakspíralykt. Ekki mjög góð. Þessari lykt er sprautað úr sjálfvirkum sprautum sem er fyrir ofan hvert klósett og er ætlað að yfirgnæfa aðra lykt sem gæti orðið til við brúkun klósettanna. Það virðist vera sem það sé einhverskonar tímaskynjari sem stjórnar því hvenær þessi svakalega rakspíralykt sprautast út. Það er mjög hvimleitt að vera akkúrat stödd á klósettinu þegar þetta gerist því lyktin festist vel í nösunum á manni það sem eftir er dagsins. Þetta kom fyrir mig í dag. Vildi bara deila þessu með ykkur.
Er farin á bókasafnið..

Vúhú!! þokkalegir snillingar, Elías bróðir og vinir hans.. það er sko leitin að öðru eins, játs..
*mont*

Ég dreif mig sko í ræktina í morgun! var komin á fætur klukkan 06.51.. undur og stórmerki gerast enn. Ég veit ekki hvað kom yfir mig þegar 2006 skall á. Ég hef verið með eindæmum löt á það sem af er ársins. Sumir myndu kanski skella skuldinni á skammdegið (stuðlað) en ég er ekkert í þeim pakka.. ég á það til að vera löt. Þannig er það nú bara. Finnst gott að lesa fram á nótt og sofa frameftir. Þetta væri afsakanlegt ef ég væri nú að lesa einhver vísindi en þannig er það þvi miður ekki. Ég er bara stundum letingi og læt eftir mér ýmislegt sem mér þykir gott :o) Sem betur fer samt hafði talan á vigtinni ekki breyst síðan fyrir jól.. átti von á því að hún væri að taka stökk upp á við. sjúkk…
Yfir í allt annað…Ég tilkynni ykkur það með stolti að systir mín (og hetjan mín) hún Hrafnhildur á afmæli í dag! Til hamingju með daginn elsku Hrafnhildur, vonandi áttu yndislegan dag með yndislegu fjölskyldunni þinni *knús* Myndin er tekin 31. júlí 2005 fyrir utan Parken í Køben þar sem við systur bíðum eftir að sá U2.. Frábær dagur sem aldrei gleymist :o)

hvar skal byrja.. ?
Það er svo mikið búið að gerast skemmtilegt siðustu daga að ég hef varla undan að upplifa. Mamma, pabbi og Elías komu í bæinn. Það var frábært að sjá þau og fá að hanga soldið með þeim. Ég eldaði með þeim gúllas á föstudaginn handa 13 svöngum Ungverjum. Það var gaman og heppnaðist bara vel. Ungverjunum fanst gúllasið gott, þó það væri ekkert líkt því sem þau kalla gúllas. Svo horfðum við á Idolið saman og það var mikið stuð.
Á laugardaginn var svo litla stelpan þeirra Möttu og Hjálmars skírð. Henni var gefið nafnið Elín Ása og það fer henni sérstaklega vel. Á milli skírnar og skírnarveislu brunuðum við ásamt fleiri fjölskyldumeðlimum í Mosfellsbæinn og sáum þar Elías bróðir og Antik, hljómsveitina hans, taka þátt í söngvakepni Samfés. Þeir voru áberandi langflottasta atriðið. Hitt allt sökkaði í samanburði. Þeir fengu verðlaun fyrir besta frumsamda lagið og textann sem eru auðvitað langbestu verðlaunin. Ég var að sjá þá spila live í fyrsta skipti. Búin að sjá þá nokkrumsinnum á video en þetta var alveg geggjað. Ég var að springa úr monti! Hljómsveitin Wig Wam frá Norge var sérlega leynilegt skemmtiatriði á þessari söngvakeppni. Það var stuð að sjá þá. Eftir öll þessi læti fórum við svo í skírnarveisluna hennar Elínar Ásu og fengum okkur kaffi og kökusneið í rólegheitunum og spjölluðum.
Mamma, pabbi og Elías fóru svo aftur austur á Sunnudaginn. Ég og Pési tókum því bara rólega þann dag. Elduðum okkur svakelega góðan mat og fengum okkur hvítvín..

já ég er sjokkeruð!
LÍN var alls ekki að standa undir væntingum í þetta skiptið og ekki nemendaskrá heldur. Þetta tók mig ekki nema svona hálftíma að redda þessu. Fékk bara vottorðin, ekkert vesen.. fyllti svo bara út eyðublöðin, ekkert vesen.. skilaði þeim inn, ekkert vesen ?!?!? hvað á þetta nú að þýða?!?!?!?????
Það hljóta að verða einhverjir eftirmálar.. þetta getur bara ekki verið svona auðvelt.

Já krakkar mínir,
Mín uppáhaldsstofnun á Íslandi er að sjálfsögðu LÍN.
Þau ná að halda mér í æfingu í íslensku skrifræði eins og það gerist best. Það væri nú agalegt ef maður myndi missa þetta niður, þá fyrst væri maður í fokki..Nemendaskrá HÍ er líka nokkuð öflug. Er á leiðinni þangað.. tvöfaldur skammtur í dag. fjúh! einsgott að ég er í strigaskóm..
Einnig í dag: Raunvísindaþing. Elda gúllas handa 15 svöngum Ungverjum. Idolið með mömmu.
Hitti litla frændann minn aftur í gær, hann er gullmoli.
Hitti líka litla tveggja mánaða frænku í fyrsta skipti. Loksins.
þegar þau verða stór, þá verður vonandi komið eitthvað annað og betra kerfi en minn elskulegi LÍN.

Hrafnhildur og Bjössi eignuðust í gærkvöldi yndislega fallegan, mjúkan og sætan og bara fullkominn lítinn dökkhærðan son sem er með stór og falleg augu eins og Gísli bróðir sinn. Allt gekk eins og í sögu og allir kátir og sprækir. Við móðursysturnar vorum eins og skríkjandi smástelpur í allt gærkvöld og vissum ekkert hvernig við átttum að vera. Þetta var alveg ótrúleg og ómetanleg lífsreynsla sem erfitt er að lýsa með orðum. Ég er sko mjög stolt systir og móðursystir í dag.