Stórkostlegar fréttir.. matargatinu hefur borist uppskrift alla leið frá hollandi! það er greinilegt að fólk er að springa af áhuga á mat og matargötum 🙂 að þessu tilefni vil ég endilega hvetja lesendur kúrbítsins til að fylgja fordæmi tryggva og senda inn uppskriftir. aldrei að vita nema þær fái birtingu að lokinni ritskoðun og prófunum. hér er uppskriftin: fiskréttur að hætti lúlla lauks. hljómar spennandi ekki satt ?!?!

jiminn hvað dagurinn byrjar vel hjá mér. ég gleymdi mér í smástund og afleiðingin er sú að ég missti af strætó og er þarafleiðandi að skrópa í tíma.. langt síðan ég gerði það síðast. ekki síðan ég skrópaði iðulega í kortagerðartíma klukkan 8.00 á föstudagsmorgnum í den.. ég átti nú alltaf frekar erfitt með að mæta í þá …

Lítil hreyfing búin að vera á kúrbítnum undanfarið..

ég held sveimérþá að öll stærri heimilistæki sem við eigum hafi farið í viðgerð einhverntíman.. sjónvarpið, vídjóið, þvottavélin, græjurnar, litla græjan, tölvan.. en ekki frystikistan! nú síðast var það sjónvarpið (nánast nýtt fokkings sjónvarp) og tölvan (sem er bara glæný) þetta er mjög pirrandi. guði sé lof fyrir frystikistuna, annars væri mér nú allri lokið..

þessi rigning í reykjavík alltaf…

jæja, kominn mánudagur.. haldiðasé? þetta var fín helgi og hún útlistast svona:

föstudagur: var með hálsbólgu og hausverk. elduðum pizzu, leigðum vídeó um kvöldið, myndina Gothicka. sá ekki mikið af henni, hélt fyrir augun mestallan tímann.

laugardagur: tókum til, fórum í ríkið og sóttum Unni vinkonu okkar. Horfðum á landsleikinn og drukkum bjór. grilluðum svo dýrindis lambakjöt í kvöldmatinn, drukkum hvítvín og horfðum á fasta liði eins og venjulega.. alla þættina. svo skáluðum við að sjálfsögðu fyrir honum Tryggva í Hollandi, en hann átti einmitt afmæli þennan dag.. til hamingju Tryggvi 🙂

sunnudagur: lágum í leti. ég stóð helst ekki upp úr sófanum. horfðum á tvær myndir, 50 first dates og freaky friday. ágætis froða.. mjög notalegur sunnudagur 🙂

hæ, ég er heima, ég er með hálsbólgu, ég fór ekki í skólann í dag, ég var ekki á bíl, ég nennti ekki í strætó, ég er í fýlu…

Lærdómur dagsins:

“Each generation has its own rendez-vous with the land, for despite our fee titles and claims of ownership, we are all brief tenants on this planet. By choice or default, we will carve out a land for our heirs. We can misuse the land and diminish the usefulness of resources, or we can create a world in which physical affluence and spiritual affluence go hand in hand”. (Stewart Udall)

jæja gott fólk.. við erum aðeins búin að vera uppfæra hérna á síðunni. Erum búin að breyta þessu og svo skellti ég inn einni góðri uppskrift sem aldeilis er búin að slá í gegn í sumar.. sannkallaður fiskréttur sumarsins 2004 ! það er líka aldrei að vita að ég skelli inn annarri uppskrift á eftir þegar ég er búin að fá mér eina brauðsneið með osti og te.. ég varð bara svöng á því að skoða þetta matargat

síðar..

Jæja.. þá er ég byrjuð í skólanum aftur eftir 3ja ára hlé! það er nokkuð skrítið. Ég er soldið svona eins og álfur út úr hól.. en þetta venst örugglega. Ég fór í fyrsta tímann minn í dag. Hann var bara stuttur, bara svona kynningartími, fékk kennsluáættlun og fór svo út í búð og keypti kennslubókina. Hún kostaði 7201 kr. iss.. bara gefins 🙂 Ég er ekki ennþá búin að hitta umsjónarkennarann minn. Ég vona að ég hitti hana bráðum, vona að hún svari emailinu mínu. Ég veit ekkert hvar skrifstofan hennar er. Þetta fer semsagt bara rólega af stað, ég er fegin. Ég þarf ekki að fara í neinn tíma á morgunn. Ég er ekki alveg búin að ákveða hvaða kúrsa ég ætla að taka, eða hvort verkefnið mitt verði 30 eða 45 einingar. Ég hallast frekar að 45 einingum. Veit ekki hvort það er betra eða verra. Stærra verkefni þýðir færri kúrsar og minni mæting og minna vesen. Minna verkefni þýðir fleiri kúrsar, kanski auðveldari einingar og minna álag. Ég veit það ekki. Þetta kemur allt í ljós. Ég nenni ekki að hafa áhyggjur af þessu.

Hrafnhildur og Sunna eru á leiðinni til mín í heimsókn. Kanski ég ætti að fara í búðina og kaupa eitthvað til að bjóða þeim uppá.. ég held ég geri það.

Góðan daginn hér!

Allt fínt að frétta.. ég er komin heim, byrja í skólanum á mánudaginn, Pétur er í vinnunni og í dag ætla ég kanski að kaupa okkur sófa.. stay tuned!