Mér finnst jarðaberjasulta æði.
Var að borða ristað brauð með osti og jarðaberjasultu og ég held bara að það sé næstum því uppáhalds maturinn minn.
Jarðaberjasulta og rjómi er líka algjört æði. Á vöfflu til dæmis. Gebba gott. tjá..

13-12-06_1842.jpeg, originally uploaded by kúrbítur púnktur net.

Pési sæti á Stælnum.. Nenntum bara alls ekki að elda okkur mat sjálf í kvöld.. Eða vaska upp..

jibbý!!
Mér tókst að koma pakkanum til Þorgríms í Belgíu í póst fyrir síðasta séns! Þannig að Elsku Toggi minn þá er pakki á leiðinni til þín. Jólapakki. Bannað að opna fyrr en á jólunum :o)
Annars finnst mér svolítið glatað að það þurfi að skrifa utan á pakkann hvað er í honum. Ég tók það fram að þetta væri gjöf og konan hjá póstinum merkti eitthvað x við það. En samt þurfti ég að segja hvað væri innihald pakkans og hún að skrifa það utan á hann. Semsagt algjörlega tilgangslaust að pakka inn í jólapappír.. Ég tók það að sjálfsögðu fram við dömuna að þetta væri nú frekar asnalegt .. Þannig að, Toggi minn, þú mátt ekki lesa á litla græna miðan sem er framan á pakkanum þínum.
Ég hef það semsagt bara fínt þakka ykkur fyrir.. soldið svöng bara.

jæja, voruð þið ekki orðin þreytt á að hafa þessa mynd þarna efst? Það var ég. Hún var alveg að fara með mig. Ekki það að mér finnist þetta eitthvað slæm mynd. Þvert á móti. Mér finnst þetta mjög flott mynd. Hún var bara alveg að fara með mig út frá skipulagsáráttunni minni. Hún er allt of stór. Passar ekki í skipulagið. fattið þið? úff.. þetta er svona eins og að hafa mynd skakka uppá vegg. Ég meika það ekki og rétti þær alltaf við. Meira að segja ef ég er í heimsókn hjá einhverjum. Mér fannst nú samt einum of langt gengið að fara að taka myndina af blogginu. Þá væri eins og ég hefði ekki stjórn á þessari áráttu minni. Ég get sko alveg stjórnað henni.. *hóst*
Allavega.. jólin eru að koma. Við erum búin að fara á Jólahlabba (Kolla snillingur að búa til svona skemmtilegt orð heheh), erum líka búin að fara og sjá Casino Royale með nýja James Bond-inum sem er alveg ógóþroskómongóvangómegagebba góð og Bondinn langflottastur. Kolla systir er líka búin að baka handa okkur hinar mjúkustu hveitibollur og gefa okkur heitt súkkulaði í hinu árlega aðventukaffi. Himneskt. Við erum búin að búa til aðventukrans og kveikja á einu kerti. Jólakaktusinn er í fullum blóma. Það eru jólaljós í stofuglugganum mínum og jóladagatalið mitt er komið upp á vegg (pakkalaust samt). Ég er líka byrjuð að föndra jólakort. Jólastemningin er semsagt komin á. Enda jólin að koma :o)

Hlabbi, originally uploaded by kúrbítur púnktur net.

Hér erum við “hjóna”kornin í rútu á leið á jólahlabba

Varalitur, originally uploaded by kúrbítur púnktur net.

Þennan bleika og fallega og æðislega varalit fékk ég gefins í dag þegar ég keypti mér maskara.. Heppin!?!

hafið þið séð fína flickr-ið okkar?

þar verða settar inn einhverjar voða fínar myndir sem verða alveg ólæstar!

Ég er að ranka við mér. Er búin að vera heltekin af kvefi og hálsbólgu síðan á fimmtudaginn. Nú er ég komin á ‘snýtasérendalaust-stigið’ og ‘hósta-úr-sér-lungun-stigið’ sem vonandi þýðir að ég sé að losna úr þessum heljargreipum. sjö-níu-þrettán. Hápúnktur helgarinnar var líklega þegar ég fór og passaði gríslingana þrjá á Meistaravöllunum. Það var skemmtilegt. Þau eru svo skemmtileg. Annað einkenndist algjörlega af slappleika. Var meira að segja of slöpp til að passa gríslingana á kleppsvegiinum á laugardagskvöldð. Sem var auðvitað frekar fúlt. Það eru skemmtilegir gríslingar sem búa þar.. Það versta er samt að ég er búin að missa af tveimur leikfimistímum. Eins gott að ég verði búin að hósta þessu úr mér fyrir morgundaginn svo ég missi ekki af einum í viðbót!
*atsjú*

Pabbi minn á afmæli í dag. Pabbi minn er besti pabbi í heimi og miklu sterkari en pabbi þinn :o) Til hamingju með daginn!!

Hæ. Kalt. Gott?