Ég sá Kenny Rogers í dag. Hann var að afgreiða timbur í Byko.

Ég sá Richard Nixon í dag. Hann var að hjóla í Hafnarfirðinum.

Ég hef nú ekki sagt orð hérna í háa herrans tíð. Af hverju ætli það sé? Er maður ekki að nenna þessu? Held ekki. Rembast við að vera sniðugur. Hættur að rembast.

Ipod er æði. Þarfasta uppfinning þessarar aldar. Fer ekki ofan af því. Sjöffúlinn minn er búinn að reynast mér æðislega vel. Ég hlusta á hann allan daginn…nonstop. Hlusta á allt mögulegt. Nick Cave er búinn að vera vinsæll uppá síðkastið. Er samt að spá í að setja nýtt á spilarann í kvöld. Voða gaman að setja soldið hresst stöff fyrir föstudagana. Koma sér í gott stuð fyrir helgina.

..lagið mitt þessa dagana er Chasing Cars með Snow patrol.
..platan mín þessa dagana er We are the Pipettes með The Pipettes.
Ef þið hafið ekki hlustað á The Pipettes þá er það algjört möst. Þessar dömur útiloka gjörsamlega allt vont skap!

Ég er bara kát í dag. Leiðist pínu.. en ekkert svo mikið. Það er svo margt ótrúlega skemmtilegt í lífinu þó svo ég sé ekki í einhverri svakalega skemmtilegri draumavinnu. Eiginlega er alltaf gaman hjá mér. Er alltaf með svo skemmtilega tónlist í eyrunum.

Fór líka í skemmtilegan göngutúr á Úlfarsfell um síðustu helgi með mínum heittelskaða. Tókum þessar myndir þá

Ég var sko dugleg í dag!

M Y N D I R ! ! !

allar myndir konar inn frá síðustu áramótum.. fjúh!

Kvef hefur einkennt síðustu daga svo um munar. Ég er búin að vera stíbbluð og með hálsbólgu og hita og hósta síðan á fimmtudaginn. Það er auðvitað mjög leiðinlegt og pirrandi að vera með svona kvefpestir en það sem pirrar mig mest er að ég er búin að missa af tveimur leikfimitímum vegna þessara skemmtilegheita. Er semsagt ekki búin að fara í leikfimi síðan á þriðjudaginn! Á örugglega eftir að verða búin á því eftir tímann á morgunn.. örugglega allt þol búið að hóstast úr mér. kemur í ljós..

Það er ekkert að frétta skemmtilegt frá atvinnuleitinni. Ekkert spennandi að gerast í því. Erfitt að vera þolinmóð. Verð að fara að setja eitthvað svakalegt trukk í þetta og opna hugann fyrir einhverju sem ég er kanski ekki að fatta að sé fyrir mig. Hugsa út fyrir kassann. hehehe eða eitthvað svoleiðis :o)

Á laugardaginn fór ég í brúðkaup Bríetar og Steins. Þau semsagt giftu sig í Skálholtskirkju í skínandi blíðu á laugardaginn og buðu svo til veislu í Víkingaskálanum í Ölfusi. Það var sko mjög gaman. Við fórum saman stelpurnar úr bekknum. Þekktum engan nema brúðhjónin, en náðum samt að skemmta okkur svakalega vel. Dýrindis kræsingar á borðum og ein besta súkkulaðikaka sem ég hef á ævinni smakkað og rjómi og berjasósa með henni! sleeeeeeeeeef hvað hún var geggjuð. Svo var dansað.. sem betur fer því ég er í átaki sko :o)

Jæja.. best að fara að þrífa sameigning. yeah!

.. Langt síðan.

Síðan síðast hef ég meðal annars..:
..Breytt stofunni minni. Keyptum skrifborð og skrifborðslampa og bjuggum til smá skrifstofu handa mér. Hún er mjög fín. Ætluðum líka að kaupa hillur á vegginn en þær voru auðvitað ekki til. Þannig virkar IKEA.
..Farið í atvinnuviðtal vegna mjög spennandi starfs.. sem ég fékk svo ekki. Fúlt. En lífið heldur áfram.
..Byrjað aftur í leikfimi. Ég og Kolla skelltum okkur á 8 vikna námskeið í Hreyfingu og erum að skemmta okkur svakalega vel. Fer í leikfimi þrisvar í viku.. meira að segja á laugardagsmorgnum. Ýkt dugleg.
..Farið í tvo saumaklúbba. Alltaf svo gaman að hitta vinkonur sínar.
..Fengið húsgest. Mágkona mín hún Rakel kom og var hjá okkur í tvær nætur. Það var skemmtilegt að hitta hana eins og alltaf.
..Farið á tónleika ársina. Núna á laugardaginn voru loksins Nick Cave tónleikarnir sem við höfum verið að bíða eftir í allt sumar. Þeir voru hreint út sagt alveg stórkostlegir. Hef bara næstum aldrei farið á eins góða tónleika i livet.. að U2 tónleikunum tveimur undanskildum að sjálfsögðu. En vá, Þetta var ótrúlega gaman.
..Tekið þátt í Magna fárinu. Ég vakti auðvitað og kaus Magna eins og brjálæðingur, enda maðurinn algjörlega frábær í þessum þættum. Er samt glöð að þetta sé búið. Þetta hafði ekkert sérlega góð áhrif á svefnrútínuna.
..Horft á DaVinci Code. Loksins. Fannst hún ekki nærri eins góð og bókin. Var allan tímann að hugsa um hvað Ingvar hefði orðið miklu flottari Silas en þessi pretty boy sem lék hann. Tom Hanks var líka frekar asnalegur. Ágætis mynd samt..
..Líka klárað að horfa á Grey’s Anatomy seríu númer tvö. Æðislegir þættir. Þoli ekki McDreamy og að Meredith geti ekki sagt honum að hypja sig.. kommon maðurinn er giftur. Dr.Burke er hot.

kanski að þetta sparki í blogg-rassgatið á mér..

Ég er komin heim.
aahhh.. helgin er búin að vera æðisleg.
Þá er bara að finna sér einhverja sniðuga vinnu !