Hæ :o)
Þá erum við komin heim eftir alveg yndislegt páskafrí á Hornafirði. Daglegt amstur tekið við í rigningunni í Reykjavík. Við skemmtum okkur alveg konunglega í fríinu. Lékum okkur í körfubolta og fótbolta og spiluðum og fórum í heimsóknir og matarboð og borðuðum dýrindis mat í hverri máltíð. unaðslegt alveg hreint. Það eina sem hugsanlega varpaði pínku litlum, eiginlega ósýnilegum, skugga á þetta alltsaman var harði og óslétti svefnsófinn sem við sváfum á.. en það var bara einn mínus á móti milljón trilljón skítarilljón plúsum. Ég er samt búin að sofa ótrúlega vel eftir að ég kom heim.. Við tókum helling af skemmtilegum myndum og hver veit nema ég skelli þeim hingað inn fljótlega.

Gleðilega kúrbítspáska!

Alveg erum við að skíttapa fyrir Króatíu…Búnir að vera í vörn allan tímann. Setjiði Hemma Gunn inná og hættið þessu rugli. Hann sýndi það nú aldeilis á föstudagskvöldið að hann er ekki dauður úr öllum æðum, nema síður sé.

Já….nýjustu fréttir herma að Bobby hafi vaknað snemma og farið í göngutúr. Nú er verið að vinna í því að fá mann til að snyrta hann. Heimildir herma að Ásbjörn rakari hafi verið nefndur sem líklegur maður til verksins. Aðspurður vildi Ásbjörn ekkert segja að svo stöddu. Við bíðum spennt eftir fleiri fréttum.

Þetta fréttirðu hvergi annarsstaðar nema á kúrbítnum…

ahhh…góðan daginn. Ætli Bobby Fischer sé vaknaður?

Jæja…þá erum við komin í Nesjasæluna. Ferðin gekk vel en veðrið var vibbi. Bílar fjúkandi útum allt og ég veit ekki hvað…en getzinn stóð sig eins og hetja! Nú verður bara slakað á og ætli maður fái sér ekki einn bjór eða svo…

jibbý!! bara þessi skóladagur og næsti skóladagur og svo PÁSKAFRÍ 😀 jibbý!!

hæbb, er í skólanum að bíða eftir að fara í tíma.. er á tveggja vikna námskeiði sem er að ljúka, síðasti dagurinn er á morgun. get ekki beðið að klára það. hef ekki gert neitt annað síðustu tvær vikur og hef ekki haft tíma fyrir neitt.. sem bitnar á hinum kúrsunum, svo ekki sé talað um mastersverkefnið… það er ömurlegt veður úti. hlakka til að fara í páskafrí. úbbs.. tíminn er að byrja…..

Hvað varð um gæðaefni í sjónvarpi? Það er ekkert nema rusl búið til í dag. Þoli þetta ekki. Einstaka þættir sem horfandi er á…

Góðan daginn.. það er blessað gluggaveðrið alltaf hreint. ég er að fara í skólann. langur dagur í dag.. ég er farin að bíða óþreyjufull eftir páskunum. það er eins gott að það verði ekki vont veður þá. og enga hálku takk!! ætla nefnilega að bregða mér í bíltúr út fyrir bæinn 🙂