Ég er búin að lesa nýju Harry Potter bókina… var að klára hana. Ætla ekki að segja neitt um hana, nema vá. Hún er svakaleg. Þetta verður meira spennandi með hverri bók. Hvernig ætli þetta endi alltsaman? Ég hlakka til þegar Pétur klárar hana svo ég geti nú rætt þetta alltsaman við hann. Ég er að springa ég þarf svo mikið að tala við einhvern um þetta… Samt frekar sorglegt að hugsa til þess að það er bara ein bók eftir og hún kemur ekki út fyrr en eftir einhver ár! Hvernig á ég að geta beðið?? Getur hún ekki bara gefið þetta út allt í einu? Það myndi ég gera.. og gefa svo öllum sem keyptu bækurnar frí í vinnu til þess að klára að lesa.. það er bara sanngjarnt!
Ég er annars bara heima hjá mér. Ætlaði að fara austur í dag að vinna að verkefninu mínu en ég frestaði því um einn dag. Ætla að fara í fyrramálið. Ég tók nefnilega þessa dýrindist pest með mér frá Kaupmannahöfn, sólarhrings uppköst, niðurgangur og hiti. Eyddi semsagt helginni í það og nenni þessvegna ekki að leggja í hann í dag. Pétur er í vinnunni. Alvara lífsinis aftur tekin við hjá honum. Svona er þetta víst. Maður getur ekki verið í sumarfríi endalaust.. því miður! En þetta var alveg frábært sumarfrí. Kaupmannahöfn var æðisleg, U2 voru stórkostlegir! Ómetanlegar og ógleymanlegar minningar..