Þetta er svona. Stundum nennir maður bara ekkert að blogga. Ekki það að ég hafi ekkert að segja. Ég hef alveg helling að segja. Það ratar bara ekkert alltof oft hingað inn. Sem er bara skemmtilegt. Jájá….Maður er byrjaður að djöflast í hreyfingu alveg á milljón. Lyftingar, spinning, stöðvaæfingar og ég veit ekki hvað!!! Ansi hressandi. Magnað hvað maður styrkist mikið á skömmum tíma. Það held ég nú. Ég er mikið búinn að hlusta á ipodinn minn uppá síðkastið, og svei mér þá, tónlist er eins og hver önnur fíkn. Maður fær bara ekki nóg og þarf alltaf meira. Skemmtilegt. Var að fatta aftur hvað Muse er góð grúppa. Og ekki eru Audioslave slæmir. Chris Cornell er vangefinn söngvari.

Ég er gjörsamlega fallin kylliflöt fyrir hljómsveit að nafni The Arcade fire. Stórkostleg hljómsveit alveg sem gaf út plötuna Funeral fyrir um ári síðan. Þetta er Rokksveit frá Montreal í Kanada og í henni eru 7 eða 8 hljóðfæraleikarar sem spila á allskonar hljóðfæri. nafnið á plötunni er tilkomið vegna þess að á meðan á upptökum hennar stóð dóu annsi margir ættingjar hljómsveitarmeðlima. Það sem er kanski merkilegast við þessa plötu og vinsældir hljómsveitarinnar er að platan var ekki gefin út og markaðssett af neinu svona stóru útgáfufyrirtæki heldur spurðist hún út á netinu og vnsældirnar komu nær alfarið í kjölfar þess.
Eins og ég segi.. frábær plata! ef einhvern vantar hugmynd að gjöf handa elsku mér þá er þessi plata mjög ofarlega á óskalistanum (hehe). Ef þið eruð ekkert á þeim buxunum að gefa mér gjöf (af einhverjum óskiljanlegum ástæðum) þá mæli allavega ég með því að þið kaupið hana handa sjálfum ykkur..
p.s. hljómsveitin ætlar að hita upp fyrir U2 í Kanada 25. 26. og 28. nóvember. ætti maður kanski að skella sér??

Vort daglegt brauð er harðsperrur. Síðasta vika hefur einkennst af þessu skemmtilega fyrirbæri. Já skemmtilega. Því þó svo þær séu sársaukafullar þá er það svona góður sársauki. Sársauki sem lætur mig vita að ég er þó allavega ennþá með vöðva. Ég var farin að halda að þeir hefðu bara yfirgefið mig. Tjah, allir nema axlarvöðvarnir því þeir láta mig stöðugt vita af sér.. en það er önnur saga. Já, Við erum semsagt byrjuð í ræktinni. Á fullu. Það er geggjað stuð hjá okkur. Við tökum hnébeygjum, bekkpressu, magaæfingum, vöðvunum og öllu hinu sem fylgir fagnandi. vúhúú!! klappklappklappklapp..

Þá er þetta komið í bili. Breytingarnar verða ekki mikið fleiri. Allavega ekki neinar stórvægilegar. Bætum kanski við einhverjum linkum seinna en nú er nóg komið. Hvernig lýst ykkur á? frekar svona “plein” og “beisik” alltsaman er það ekki? Æhh, mér finnst það best. Einfalt er best. Látið endilega vita ef við erum að gleyma að linka á einhvern….

kúrbíturinn stendur í stórræðum og mun í dag væntanlega fá svokallað meikóver.. sýnið þolinmæði og bíðið spennt!

..og Rakel og Karam eru búin að eignast annan son. Hann fæddist í gærmorgunn og var víst eldsprækur þegar hann kom í heiminn.
Elsku Rakel, Karam, Kristján Örn og Shahid Ómar til hamingju með drenginn!
nú væri gaman að vera á Hornafirði…

Jæja góðir gestir. Það lítur út fyrir að við fáum 20.000asta gestinn hingað í dag. Kíkið neðst á síðuna til að athuga hvort þið séuð hinn heppni gestur og tilkynnið það í kommentin. Verðlaun gætu verið í boði 🙂 vá… tuttugúsd er mikið!

Á þessum tíma ársins gerist það iðulega að stórar og feitar flugur kíkja inn um opna glugga til þess að hlýja sér. Ekki furða, það er að kólna og þær alveg að fara að geispa golunni. Þær leita á hlýrri staði. Mennirnir gera þetta líka. Eldra fólk flykkist til kanarí þegar veður fer kólnandi. Í stórum stíl. Í massavís. Mér finnst þetta ekkert sérstaklega skemmtilegur siður, allavega ekki hjá flugunum. Mér er ekkert vel við flugur. Sérstaklega ekki þegar þær eru hávaðasamar og upptjúnaðar í andaslitrunum eins og þessa dagana. Þær eru ekki velkomnar í mínum húsakynnum. Þessvegna fer ég á veiðar þegar þær birtast. Ég verð flugufrelsari, vopnuð glasi og blaði, sem fangar flugur og veitir þeim frelsi sitt aftur úti á svölum. Í dag er ekki búið að ganga sérlega vel. Ég er búin að eiga tvo misheppnaða flugufrelsunar veiðileiðangra í dag. Í öðru tilfellinu var flugan svo svakalega taugaveikluð að hún óvart kramdist þegar ég ætlaði að smeygja blaðinu undir glasið. Algjört slys. Hitt tilfellið flokkast undir flugufrelsara gáleysi. flugan, sem var hin þægasta, drukknaði óvart í mjólkurdropa sem var í botninum á glasinu.

mikið finnst mér alltaf gaman þegar ég/við erum nýbúin að þrífa íbúðina hátt og lágt.. það verður allt svo hressilegt í kring um mann. ferskt loft, glampar og glansar af öllu. yndislegt alveg hreint. uppáhalds tíminn minn að þrífa er eftir hádegi á föstudegi. þá er einhvernveginn ekki séns að helgin verði leiðinleg. hvernig getur verið leiðinlegt þegar allt er svona glansandi og fínt? það er ekki möguleiki.. í morgun vaknaði ég með hausverk og var frekar fúl yfir því að vera ekki að fara á Franz Ferdinand tónleikana í kvöld. ég tók út fýluna og hausverkinn með því að skrúbba allt og pússa með Franz í botni í græjunum. það svínvirkar. góða skemmtun á tónleikunum þið sem farið, þið verðið örugglega ekki fyrir vonbrigðum 🙂
p.s. vá! hvað do you want to? er geggjað lag!