dugleg stelpa klappklappklappklappklapp
Ég er megas
All posts by Heiða Björk
brrrrr
Vangefið hvað það er kalt úti! Ég er búin að vera í vinnunni í hálftíma og mér er enn ekki orðið heitt. Ákvað því að ylja mér aðeins með því að pikka nokkur orð hér inn.
Vangefið hvað það er kalt!
Loksins er þessi janúar að verða búin. Égetsosvariða hann er búinn að vera mongó langur. Eftir afmælið hans Péturs og afmælisveisluna stórkostlegu hafa kuldi og blankheit sett mark sitt á dagana. Hlakka mjög mikið til að fá ferskan febrúar.
Afmælið hans Péturs var algjörlega toppurinn í þessum mánuði. Það var geggjað stuð í afmælisveislunni og hún heppnaðist eins og best verður á kosið. Við vorum með Méxíkóst þema. Mojito, Corona, Guacamole, Quasedillas, Fajitas, Salsa, El Guapo, Viva los amigos.. allan pakkann! Svo bara gítarspil og söngur og sjúkheit. Mjög skemmtilegt. Greyis þið fáu sem ekki gátuð komist.
Svo erum við búin að fá nýja útihurð. Svonna eldvarnarhurð. Mjög massív og flott. Smá límlykt og iðnaðarmannavesen, en ekkert svo. Mjög gott að það sé búið að skipta um hurð núna í þessu kuldakasti því gamla var mjög óþétt.. var alltaf svona úúúúúú í vindinum. Svona úúúúúúúú gerir allt veður kaldara en það er.
hmm… eigum við að segja þetta gott? Mér er alveg að hitna, búin að drekka stóran kaffisopa og pikka þetta rosalega hratt þannig að mér er alveg að verða heitt. Er að hlusta á The National, nýjustu plötuna þeirra Boxer. Er búin að ætla að hlusta á hana ansi lengi en var bara ekki búin að næla mér í hana fyrr en nú. Hún ofar bara góðu held ég. Rennur ljúflega. Fín svona vinnuhlustun.
Annars er ég á leiðinni í ræktina á eftir. Ekki veitir af. Er búin að slá ansi slöku við uppá síðkastið, sem er ekki nógu gott. Háværar kvartanir farnar að heyrast úr fataskápnum frá pilsum og buxum sem eru í lítilli notkun þessa daganna vegnar smæðar sinnar. Ég hef svosem ágætar afsakanir, en hver nennir að heyra þær? Nú verður bara tekið á því.
Hvað er annars með þetta súkkulaði út um allt?? It’s coming right for us!
HB
ùje!
ùje!, originally uploaded by kúrbítur púnktur net.
Pési fór og verslaði fyrir gjafakortið sem hann fékk í afmælisgjöf frá tengdafjölskyldunni. Fyrir valinu varð þessi frábæra flíspeysa, Haraldur að nafni. Það leynir sér ekki á myndinni hvað maðurinn í Haraldi er mikill töffari.
Einnig voru keypt forláta heddfón til að tengja við magnarann sem er tengdur í rafmagnsgítarinn sem töffarinn fékk í afmælisgjöf frá foreldrum, ömmu, afa, systkinum og þeirra fylgifiskum.
Afmælisbarnið vill koma á framfæri þúsund kossum til þeirra sem nefndir hafa verið hér að ofan.. tjah.. nema Haralds.
Ég er hinsvegar að fara að baka brauð til að borða í kvöld með franska rauðvínspottréttnum sem við ætlum að hafa í kvöldmat. túrílú.. HB
Protected: Afmælisbarn
Mega Toggi Mega
Mega Toggi Mega, originally uploaded by kúrbítur púnktur net.
Fór og hitti stóra bró í hádeginu í dag. Hann var í skólanum og ég hitti hann í samloku á Háskólatorginu nýja. Það var gaman. Flott háskólatorg. Alveg troðið af fólki. Svo fór ég í bóksöluna nýju og sá bók sem mig langar í.. Flott bóksala. Toggi var samt flottastur. Hann er mega.
Sunnudagsblogg
Sælinú
Sunnudagar eru æðislegir.Sérstaklega þegar veðrið er eins og það er búið að vera í dag. -2° og logn. Smá snjóslæða en ekkert djúpur. Rétt svo til að fela mesta skítinn.
Ég og Pétur og Glói notuðum tækifæri og skruppum í bíltúr upp að Kleifarvatni eins og við gerum svo oft um helgar. Yndislegt að rölta í fjörunni við vatnið og Glóa finnst sérstaklega gaman að hlaupa þar um frjáls og elta bolta eða frissbí disk og busla í vatninu.
Ég var með símann minn nýja og fína í vasanum og tók nokkrar myndir..
Vatnið var ótrúlega stillt og slétt og speglaðist fallega í því. Þetta umhverfi í kring um Kleifarvatn er nú bara svo ótrúlega fallegt. Móbergið alveg ótrúlega flott.
Núna í stillunni var algjör þögn. Svæðið er samt mjög vinsælt fyrir mótó krossara og fjórhjól og þannig leiðindi og oft er ströndin alveg útspóluð. Jeppar eru líka oft að spóla þarna eitthvað. Þetta fer mjög í taugarnar á mér.. maður er að rölta þarna í friðsældinni þá koma bara einhverjir kallar á risa jeppum og rúnta þarna um.. þessir kallar ættu frekar að stíga út úr bílnum og hlusta á þögnina eða láta rokið blása um skallann. Það er örugglega mun skemmtilegri upplifun en sú sem þeir fá inní bílnum..
Hérna erum við svo fjölskyldan í góðum fílíng.
Þegar heim var komið bökuðum við svo vöfflur og gæddum okkur á með rjóma og jarðaberjasultu. Glói er að leggja sig á teppinu sínu og við erum á síðbrókunum í sófanum með kaffibollann að horfa á handboltaleik. Sumsé, fín Sunnudagsstemning.
Næsta vika mun einkennast af mikilli afmælisgleði enda stefnir húsbóndinn á heimilinu sem stormsveipur að fertugsaldrinum!
Glòi sæti med snjò à nebbanum
Glòi sæti med snjò à nebbanum
Nýi síminn prófaður! Meehega!
Svona erum við rosalega krúttleg. Varð bara að prófa að senda mynd úr nýja símanum. Þessi mynd er reyndar alveg hellings minnkuð en við erum sæt engu að síður og hress.
Annars gerðist eitt ógó fyndið í dag.. Ég fór á bensínstöð og tók bensín svona sirka um kl 14:00. Svo fór ég aftur í vinnuna.. Eftir vinnu fór ég svo í ræktina, fór í hjólatíma, svo rölti ég að bílnum. Það fyrsta sem ég tek eftir… bensínlokið opið. Og ekki bara ytra lokið, heldur líka skrúflokið. Verð líka að taka það fram að þetta er alls ekki í fyrsta skiptið sem þetta kemur fyrir. Ég hef nokkrum sinnum rúntað um bæinn með bensínlokið galopið. Tjá..
H
Nýjasta tækni
Hvernig lýst ykkur svo á nýja kúrbítinn? Við erum að vísu ennþá að betrumbæta og setja inn smátt og smátt það sem okkur finnst vanta. Við erum búin að bæta inn linkum og flickrinu og síðu um okkur sem þið finnið þarna efst til hægri. Planið er svo að setja inn nýjan uppskriftavef Heiðu Bjarkar, á bara aðeins eftir að útfæra hann örlítið.. tjahh eða bara alveg. Það kemur vonandi fljótlega.
Á meðan ég man þá er ég í stökustu vandræum með að fá wordpress til að skilja að ég vilji gera svona greinaskil í færsluna mína. Hún virðist ekki skilja þessi beisik line break tögg sem ég kann. Ef einhver getur hjálpað mér með þetta vandamál þá endilega bara láta vaða í kommentakerfið (ha, görn, kolla, primero guru, aðrir forritunarnördar..). Þetta virðist vera vandamál hjá fleiri wordpress notendum, frekar öm.
En þá að máli málanna.. nýja símanum mínum! Ég fékk mér sko glænýjan síma í dag! SonyEricson Cyber-Shot K810i. Alveg mongó flottan myndavélasíma. Eiginlega svona myndavél með síma. Voða tæknó 3G dæmi sem ég læri vonandi einhverntíma á. Það er allavega, veit ég, hægt að hringja svona myndsímtal og sjá þá hina manneskjuna á skjánum hjá sér. Það er mega. Nú á ég rosa fínan síma sem er lítil og nett myndavél og passar voða vel í veski. Mjög patent og smart.
Til hamingju ég með allar þessar skemmtilegu tækninýjungar !
Uppfært: Ég og Pétur, snillingarnir sem við erum, redduðum þessu með line breikið bara sjálfs sko.. enda erum við Megas !