Stuð stuð stuð…var að vinna í gær á barnum. Það var nú gaman. Og á leiðinni heim stoppaði löggan mig. Ég var varla lagður af stað þegar hún blikkaði mig og ég stoppaði. Svo rölti löggan yfir til mín og bað mig um skilríki. Mér fannst þessi gaur nú ekki lögreglulegur en ákvað að rétta honum ökuskírteinið. Hann tekur það og spyr mig af hverju ég sé með þessa mynd?!?!?! Hafiði heyrt annað eins? Þessi gaur var ekki einkennisklæddur og var bara dónalegur og höstugur. Ég var nýbúinn að fá mér svona myntu brjóstsykur og hélt hann að ég væri að fela einhverja lykt. Ég kom útúr bílnum og sá þá löggubílinn betur. Þetta var ómerkt Opel Astra með alveg fáránlegum blikkljósum. Ég sagði nú við gaurinn að þetta væri ekkert löggubíll og sagði honum að hætta þessu rugli. Þá tók hann upp eitthvað merki sem mér fannst ansi ómerkilegt og svo tók hann upp talstöð og bað um merktan bíl til að sanna að þeir væri löggumenn. Svo sagði hann bara að hann hefði ekki tíma fyrir þetta og sagði mér að setjast aftur í opelinn. Ég gerði það og var látinn blása og allt. Það var annar lögreglumaður þarna og hann var töluvert skárri. Ég sagði nú bara hvernig var, að ég væri að koma úr vinnunni og að ég hefði nú bara aldrei séð svona löggubíl. Þeir sögðu að á þeimm 5 árum sem þeir höfðu verið á svona bíl, þá hefði enginn sagt að þeir þekktu ekki bílinn. En þetta hlaut allt saman farsælan endi sem betur fer. Ég vil koma þeim tilmælum til löggunar að það kostar ekkert að kynna sig og sýna öðrum almenna kurteisi og lágmarksvirðingu. Takk fyrir.