..af overheard in New york

Waiter: Would you like to order now?
Man: No, I’m waiting for my sister.
Waiter: You said before that you were waiting for your wife.
Man: No, I didn’t. I said it was my sister.
Waiter: No, you didn’t.
Man: Would you like to be in movies?
Waiter: No, why?
Man: You have a really nice speaking voice. You should think about it.
Waiter: You really think so?
Man: Yeah. I make movies. You should give it a try
—
Tourist lady: Does this train go to 9/11?
Man: what?
Tourist lady: I want to see 9/11.
Man: You mean World Trade Center?
Tourist lady: No, I mean 9/11.
Other tourist lady: Oh no, you want the E train. I had this problem yesterday. New Yorkers are so unhelpful
—
Guy #1: Man it’s got to be the weather, ’cause I’ve been crazy horny lately.
Guy #2: Yeah, chicks are a just as horny, only difference is our testicles hang on the outside of our bodies.
—
hressandi :o)

Komiði sæl og blessuð
Vona að allir séu hressir hér. Ég er nokkuð hress, þrátt fyrir smáveigis hausverk sem vakti mig fyrir allar aldir í morgun. Það var allt í lagi.. enda löngu orðið bjart og sólin farin að skína. Mér hefur alltaf fundist svo asnalegt að þurfa að sofa þegar það er bjart úti á sumrin. Vildi eiginlega að Íslendingar gætu sofið bara þegar það er dimmt. Þá væri allt svo miklu auðveldara. Maður þyrfti ekki að dragast á lappir á desembermorgni langt fyrir dagrenningu og fara að sofa aftur um miðja nótt. Eins myndi maður ekki sofa af sér hálfan daginn á sumrin. Fínnt að sofa bara á meðan það er myrkur. Mér finnst það meika meiri sens..
Allavega.. Þetta er skemmtilegur árstími. Gróður að vakna og sólin man eftir að skína á okkur. Mér finnst þetta frábær árstími, fyrir utan einn stóran galla. Flugurnar eru að vakna. Mér hefur alltaf verið meinilla við flugur. Sérstaklega þær sem koma inn til mín. Það er eitthvað við fljúgandi kvikindi inni í lokuðu rými sem fer illa í mig. Þau fljúga svo nálægt manni. Bera enga virðingu fyrir persónulegu rými, geta klesst á mig. Hef tildæmis aldrei fundist neitt skemmtilegt við páfagauka. Sérstaklega ekki þá sem mega vera lausir inni. Mér finnst ekkert sætt þegar þeir setjast á axlirnar á fólki og finnst það ekki eftirsóknarvert sjálfri að hafa páfagauk á öxlinni. Mér finnst samt fuglar yndislegir (páfagaukar undanskildir), hlakka alltaf til að sjá vorboðana og fer yfirleitt í marga bíltúra og göngutúra til að kíkja á þá.. Það er allt annað mál ef þessi fljúgandi fyrirbæri eru úti. Þá hafa þau allan himinnin til að fljúga í.. miklu minni líkur á að þau klessi á mann!
Er búin að henda einni flugu út í morgun.. já já..

Hérna erum við að tala um virkilega slæman hárdag
! Verð að viðurkenna að þegar ég horfði á traileinn þá var ég eiginlega aðallega með hugann við hvað hann var skringilegur svona.. held samt að þetta hindri nú ekki að ég fari að sjá myndina, enda búin að bíða og bíða eftir henni.
Talandi um að bíó, þá fórum við Pési í gær með pabba og bræðrum mínum að sjá lucky number slevin í gær. Fannst hún mjög góð. skemmtilegar persónur og góður og vel útpældur söguþráður.

Gleiðlega Páska!
Þvílíkt lúxus líf þessa síðustu daga.. nenni ekki að skrifa einhverja langloku í dag. Var að fatta að við höfum ekki sett inn nýjar myndir frá því um jólin.. það er frekar leim. Væri kanski sniðugt að dúndra inn einhverjum myndum.. bara seinna samt. Nú er ég að fara að undirbúa páskalambið sem verður í matinn í kvöld. Ætlum að grilla læri í fyrsta skipti. Verður örugglega ljúffengt..

já krakkar mínir, ég er stödd í skemmtilegu skrifstofunni minni í Öskju. Er með ritstíflu. Kem ekki út úr mér almennilegu orði. Er búin að vera í smá pásu frá þessu blessaða meistaraverkefni mínu undanfarið. Var komin með nettan pirring á þessu. Ákvað í morgun að það væri nú kominn tími til að ég gæfi aðeins í, enda komin eilítið á eftir áætlun. Þann tíma sem ég hef setið hérna í dag hefur ekki mikið gerst. Hugsa að það sé kominn tími á kaffibolla. Afrakstur dagsins er ekki merkilegur. Allavega ekki hingað til. Aldrei að vita nema að kaffibollinn losi um stífluna og eitthvað af viti leysist úr læðingi. 

Tími kominn á nýja fyrirsögn efst á þessa síðu.. 
Ekkert svakalegt að frétta af okkur hérna í kotinu.. Pési snéri sig í körfubolta og haltrar um með chubby ankle en ég er voða dugleg að kyssa á bágtið..
Ætlum í Idol partý til Kollu í kvöld.. fáum okkur örugglega ísblóm þar.
Hafið það gott um helgina kæru lesendur!
Kveðjur..

Föstudagur:
– Borðað á kaffihúsi með mömmu og pabba.
– Rölt á laugaveginum með mömmu og pabba, fórum í Kokku og líka í garnbúð.
– Heimsókn til HH og co.. BG fór í bakaríið
– Sækja Pésa í vinnuna, heim í sturtu og beit út í Loftkastala í röðina. Vorum frekar aftarlega, en með klækjum og kvennabrögðum tókst mér að redda miðum handa öllum.
– Horfði á músíktilraunir. Elli bróðir og Antik voru langflottastir! Ótrúlega magnað að sjá litla bróður sinn svona fullorðinn að spila og syngja á sviði fyrir framan fullan sal af liði með myndatökukall frá RÚV uppí nefinu.. Frábært alveg.. Þetta var meiriháttar kvöld!
Laugardagur:
– Vaknaði snemma, tók smá til og gekk frá þvotti
– PM kom og sótti mig óg skutlaði mér á Hótel Loftleiði þar sem ég tók tímann á meðan ókunnugt fólk sippaði í mínútu samfleitt í kappi við annað ókunnugt fólk.
– Pési sótti mig og við fórum í bílaþvottastöð, bakarí og vínbúðina
– Skutlaðist út á Keflavíkurflugvöll og sótti Toggster.. jibbý!!
– Ég og toggster fórum til HH og co..
– Brunaði svo í búðina og keypti í pizzu handa okkur pésa og Tedda. Hún var afbragðsgóð
– glápti á sjónvarpið með öðru auganu..
Sunnudagur:
– Svaf til rúmlega 10.. aaahhhh…
– Pési og Teddi fóru í bakaríið og keyptu svaka góðan morgunmat handa okkur
– Heklaði og horfði á formúluna.. var ánægð með úrslitin.
– Fórum í BT í Smáralind og keyptum eina snúruna í viðbót
– Hitti öll systkini mín og nema ETH hjá HH. Auðvitað var farið í Bakarí !
– Ég og Pési brunuðum heim og elduðum okkur dýrindis pasta og fengum okku hvítvínsdreitil með því
– Brunuðum aftur Vestur í bæ og sóttum Toggster.. héldum svo í háskólabíó og sáum stórgóða mynd, V for Vendetta.
– ZZZzzzz….

Svona eftirá þá sé ég að ég borðaði ansi mikið af gúmmilaði frá bakaríum borgarinnar þessa helgi. Bara gaman að því :o)

Sit hérna í kaffistofunni á bókhlöðunni, eða svona í jaðrinum. Er að drekka rándýrt kaffi. Lélega uppáhellinguá 100 kall. Fær mann til að meta mjög mikils flottu kaffivélina í Öskjunni, sem malar handa manni dýrindis kaffibolla og kostar bara klink, 20 kall. það er almennilegt kaffi. Nýmalað og rótsterkt. Beint í bollann. Meira að segja hægt að hita og þeyta mjólk út, algjör lúxus. Það fylgir ekki einusinni ábót á þessa okur eiturblöndu hérna í hlöðunni.. Eftir fjögurra tíma setu á þjódeildinni þá er þestta slæma kaffi samt kærkomið.. ég  var eins og Elli bróðir, að deyja úr geispi. 
Hef ekkert að segja. Er bara eiginlega að bíða eftir að Pétur verði búinn að vinna svo ég geti farið að sækja hann. Þá getum við farið að spá í hvað eigi að vera í matinn, svo eldað matinn og borðað hann. Fáum okkur svo kanski kaffibolla eftir matinn og kveikjum kanski á einhverjum kertaljósum. Ætli ég setjist svo ekki fyrir framan sjónvarpið, horfi með öðru auganu, hekli svolítið á meðan pétur brasar eitthvað í tölvunni.. æh, þetta er svona ótrúlega venjulegur dagur. 
Eruð þið ekki bara hress? Það hefur verið eitthvað svo lítið að gerast hérna á þessari síðu undanfarna daga, dræmar undirtektir. Ég er farin að halda að Svanfríður sé sú eina sem nennir að lesa þetta. Það er allt í lagi mín vegna, ég skrifa þetta aðallega fyrir mig hvort sem er..
Bið að heilsa ykkur / þér Svanfríður :o)
bleble

Jahérna.. nú er ég sko stolt af sjálfri mér. Ég gat gleypt í mig fulla matskeið af þorskalýsi og kyngt. ÁN ÞESS að kúgast eða finnast það svakalega vont. Þetta hef ég ekki getað gert síðan ég var svona 10 ára gömul! Ég er meira að segja búin að ropa lýsisbragði en mér fannst það bara ekkert vont  :o)  
Ég er mjög ánægð með þennan árangur. Þetta sýnir greinileg merki þess að ég er orðin fullorðin. Loksins.

Tölvan mín yndisleg hefur fengið smá meikóver. Setti um helgina upp nýtt stýrikerfi á hana og heitir að Tiger. Mjög svalt stýrikerfi. Var samt dáldill klaufi við að bakka upp dótið mitt áður.. tapaði smá af gögnum. Ekki það mikilvægasta samt, heldur meira svona dót sem ég var búin að gleyma að væri þar sem það var eða fattaði ekki alveg að ég ætti (bla). Ég lifi það samt alveg af.. Það sem ég sé mest eftir er vídjóið sem ég tók af hljómsveitinni Antik á músíktilraununum síðasta þriðjudag. En það er svosem allt í lagi, ég tek bara nýtt vídjó á úrslitunum á föstudaginn!
Helgin fór semsagt að mestu leiti í allskyns tölvubras. Mér tókst samt líka að taka til í fataskápnum mínum. Hann er núna tómur. Vantar föt. Föt óskast.