Núna gerir maður ekki annað þessa dagana en að glápa á EM. Það er ágætt. Ekki að maður fylgist mikið með fótbolta. Mér finnst samt mjög gaman að horfa á vel spilaðan fótbolta og spennandi leiki. Sælla minninga nefni ég til dæmis England – Frakkland. Sögulegt dæmi. Svo er bara nóg að gera í vinnunni. Alltaf nóg að flytja. Ég var að skoða dagskrána fyrir stöð 2 í gær. Þar var myndin The transporter eða eins og hún var þýdd “Flytjandinn”. Fannst það soldið fyndið. Það væri nú spennandi að búa til mynd um trukkabílstjóra sem lendir í allskyns ævintýrum. Er það ekki? Mæli með sjálfum mér í aðalhlutverkið.

Alveg magnað hvað sumir eru bjartsýnir.

Usss….var að horfa á MTV Icon áðan og það var svona tribute þáttur um Metallicu. Sjitt….Rosalegur þáttur og svo í restina komu þeir á svið og spiluðu svona syrpu af lögum. Þvílíkt og annað eins maður!!! Ótrúlegt hvað þessir gaurar rokka. Magnaðir! Það er búið að vera voða gaman hjá okkur uppá síðkastið. Fórum í bústað til Kollu og Palla og þar var stuð. Kíktum svo í bíó á Harry Potter 3. Það var fjandi magnað. Svo eyddum við svolitlum tíma hérna heima að kúrast saman. Það var alveg meiriháttar. Svo bara tók vinnan við og nóg að gera þar eins og venjulega. Það held ég nú. Later…..

Hún á afmæli í dag,

Hún á afmæli í dag,

Hún á afmæli hún Amalía,

Hún á afmæli í daaaaaag!!

Húrra! Húrra Húrra! Húrraaaaaa!!

Djöfull er freeek! ´04 með Gogga gamla gott lag! Tékkið á því. Annars er allt gott að frétta hérna megin við ána. Nóg að gera í vinnunni. Sendi bíla um allt land. Þorlákshöfn, Reyðarfjörður, Uzbekistan, bara spurning um hvert þið viljið fara. Hvernig er það eiginlega…er allt að verða vitlaust í þessari ríkisstjórn? Stjórnarandstaðan má ekki minnast á einhverjar takmarkarnir, þá segir Herra Davíð bara “Nei, nú slít ég fundinum” og andstaðan strunsar út. Eru þetta fagmannleg vinnubrögð? Það finnst mér ekki. Held að þessi ríkisstjórn geti bara pakkað saman og flust á Svalbarða eða eitthvað. Láta einhvern ísbjörn éta Dabba. Og svo er sjálfstæðisflokkurinn að BÆTA við sig fylgi. Er ekki allt í lagi?!?!?! Er fólkið í þessu landi ALVEG gjörsamlega sneytt allri vitrænni hugsun? Held það. Þetta er svona eins og martröð sem maður getur bara ekki vaknað uppaf. Djöfull getur maður verið þreyttur á þessu. Svo var ég að horfa á fréttirnar áðan. Frétt um það að lögreglan hafi brotið mannréttindarlög með því að loka manneskju ítrekað inni fyrir að vera drukkin. Ja hérna…ekkert má maður. Það er nú slæmt þegar maður getur ekki fengið sér í glas án þess að vera hent inn fyrir það. Ég get kannski prísað mig sælan að hafa getað laumað nokkrum sopum af bjór innfyrir varirnar á laugardagskvöldið án þess að að löggan sæi. Annars væri ég sennilega að blogga frá Litla Hrauni…

Sit hérna heima. Er að hlusta á Eddie Izzard. Fyrir þá sem ekki vita þá er þetta breskur uppistandari. Hann er algjör snillingur. Hann er til dæmis að gera grín að ávöxtum. Ógeðslega fyndið. Svo var ég horfa á the mothman prophecies. Kominn langt inní myndina, svona eiginlega næstum því á endinn, og svo bara allt í einu…….BÆNG!!!! Myndin búin!!!! ÞAÐ VANTAÐI ENDINN!!!! NEIIIIIIIIIIIIIIIIIII!!!!! Alveg handónýtt. Verð bara að horfa á hana aftur seinna. Þetta lofaði nebblega góðu. En hvað um það…. Nú styttist í bústaðaferð sem verður næstu helgi. Og þá…..HITTI ÉG HEIÐU!!! VÚHÚ!!!! þá verður nú gaman. Eða eins og skáldið sagði forðum daga “Og þá var kátt í höllinni, höllinni, höllinni, og þá var kátt í höllinni, höllinniiiiiiiiiiiiiiiiiiii”

Jæja…nú er það orðið svart. Sit einn að drekka bjór. Ekki gott…. að vísu er það ágætt. Bjórinn er góður. Kannski að maður kíki út. Hvað veit maður? Aldrei að vita. Annars er lítið að frétta. Byrjaður að leysa af hjá HP. Það er snilld. Gerðist í fyrsta skipti um daginn að ég fór brosandi heim úr vinnunni. Það er magnað. Hlakkar mikið til að fara að keyra. Það verður stuð.

Daginn. Sit hérna við tölvuna hans Tjörva og er nývaknaður. Samt búinn að fara í sturtu og raka mig og klukkan ekki orðin 11. Ótrúleg framtaksemi í gangi hérna. Bónaði meira að segja bílinn minn í gær. Það er svona þegar maður á yngri bróður sem er hörkubónari. Teddi hjálpaði mér helling. Hann er með svo flotta aðstöðu til að gera þetta útí HP. En…Núna styttist í stóru stundina hjá Elíasi. Hann á afmæli líka í dag (Til hamingju með daginn Elías)og verður mikið um dýrðir í dag. Svo þarf ég að leggja af stað suður í dag 🙁 ógeðslega fúlt. En svona er þetta. Heiða verður fyrir austan í sumar að gera mastersverkefni. Hei! Vitiði hvað? Skjárinn sem ég er að horfa á núna heitir KFC!!! Er það ekki stórkostlegt?? Kentucky skjár….

Jæja…Við erum lent á Hornafirði. Náðum í bílinn í gær úr viðgerð og vorum ekki kominn af stað fyrr en um 9 leytið í gærkvöldi. Allt gekk vel nema að það var hundleiðinlegt veður allan tímann. Ekkert nýtt þar. Allavega…alltaf jafn yndislegt að koma í heimahagana og hlusta á kyrrðina sem fyrirfinnst hvergi annarstaðar en í Nesjunum…

Kvöldið hér. Haldiði ekki að ég hafi nánast gleymt að fá mér að borða. Það er svona þegar situr fyrir framan tölvuna og missir sig í einhverju spileríi. Fattaði svo allt í einu að ég var bara soldið svangur. Reddaði því hið snarasta. Svo er bara Hornafjarðarferð framundan. Það verður nú stuð. Vona bara að kallinn verði búinn að laga bílinn okkar fyrir föstudaginn. Vonum það. Ef þið eruð að spá í akkúrat núna hvaða lag þið eigið að ná í, þá mæli ég með The reason með hoobastank. Fjandi fínt lag eins og margt annað sem hoobastank hefur gert. Over and out…